مواقف محرجه.......

مراااااااحب ملاااااااايين

ابي كل واحد يحكي موقف حقيقي محرج او مضحك صار ف حياته.......

فيه مره صار لى موقف فرمضان قريب ..هع

كنا انا و اخوانى الاولاد واحد اكبر منى و واحد اصغر منى

فنص الليل جووووعانين ووواجد ..

و رحنااا و نزلنا تحت اقصد انه المطبخ تحت و جاي شويه فالخارج

و رحنااا ندور أكل حلو يأكل ..هع هع

و بعد ما كلينااا ما لازم تعرفوا مو أكلت هع

بعدين يوم خلصنا بايين نروووح شفنا قرن فلفل كبير و شئ صغير فصحن بعدين قال اخوى الاصغر لاخوى الاكبر اتحدااك تأكله ..

قاااال انزين و جالس يدخل فالفم و طبعا طبعا مااااااااااقدر

هع عماااااااااااانى كيف ايقدر ..!!

بعدين انا قلت ترااه الفلفل ما شويه بس تلمسه شويه و تمس اي شئ فجسمك و خاصه الرأس و العين هع هع ايحرررقك ..

راااح الاخ الفاضل يتحدى و طبعا معه هذى معلومه جديده و سوى الا قلته و فالبدايه ما صارله شئ و بعدين مسكـ الفلفل و كحل به فعينه ...و صااار الا صاااااار و جلس يزعق و يصورخ و الكل ناايم من عدا احنا الا فالمطبخ و بعدين انا و اخو ما عرفنا مو نسوى و رحنا كل واحد فالسرير ماله(احلى عربيه فصيحه...هع) و عينه حمره و تحت العين ..

المهم رحت انا غرفتى و شفت فاازلين و عطيته و كلنا نضحـــــــــــــــــك عليه ...

يسلمووووووووا خيت ع الموضوع الحلو

ههههههههه ميمي عاد ما حاله"""

بصراحه فيه مواقف بس اللحين ما فاضي اكتب وان شالله المره الجايه هع

ههههههههههه
ميمي لا تعليق
صعب المنال : عاجز خلاص داخل وكاتب كمل جميلك

يسلموو قمورتي على هذا الموضوع

فنتك هع

وعندي مواقف وايد

بس خطيره يعني ما يصير اقولهن هع هع

اقوى شي

مره 2 بييب لكم موقف يناسب لكم كركركر

اقوى شي

خخخخخخخ حلووه منك ميمي بس مازين تكذبي ع اخوانك

======================

انا ما عندي مواقف الحين اتذكرها بس اكيد في

يسلموو ياسمينه ع الموضوع

في انتظارك

انا تو فاضي اكتب هع

بخبكم بموقف بس انا ما احسه انه محرج

احم احم طبعا انا ساكن في ******

ويوم من الأيام طلعوا شباب المعهد رحله بس انا ما رحت معهم

وراحوا نص الأماكن الي بالسلطنه وعاد لما قربوا من بلادنا

اتصلوبي مساكين وقالوا احنا جايين عندك ونريدك تمشينا

وانا ف العاده ما اطلع من البيت خيييير شر "حتى جيراني ما اعرفهم هع"

المهم وصلوا الشباب وفرحانين راح امشيهم انا

لما خلصنا متغديين قالوا يلا انته قدامنا واحنا وراك مشينا

عاد انا هالساعه انصدمت وما عرفت شو اقولهم لاني ما اعرف اماكن خير شر

كيف انا عدت الي بمشيهم "يا حليلهم متكلين على احد"

ف النهايه قلتلهم انتو مشوني وخلوني اتمشى ف بلادنا وخبروني بالاماكن هع

بدل ما امشيهم انا واكون ف راس الطابور كنت خلفهم هع هع

ههه
في حد ما يعرف بلاده لاكن زين انك اعترفت انك ما تعرف لا توديهم في سيح وما تعرفو تردو
شكلك انت 24 ساعه على النت
على العموم في انتضار المذيد من المواقف
يسلمو

هع مب ع النت بس ما احب واجد اطلع

نبي نسمع مواقف الثانيين

ههههههههههه حلوه حلوه منك يا المنعزل دوم بداره ولا يحب يخالط الناس هع

شكلك مب اجتماعي مثلي

كل الا اشوفه ادق معاه سالفه خخخ

المهم انا يايه اكتب موقفين صارن لي بصلاله واحد بالذاات يخص قمووره ..

اول موقف هو مب محرج بس اريد اخبره قموره هع

الله يسلمج يوم كنا رايحين المهرجان

بعد ما لعبت وشبعت رحت الخيمه

ويلست ادور هدايا للشله

وحصلت اسهل شي اشتريه ميداليه واكتب اسم الوحده عليها

اسهل شي هع

عاد انا يلست اقوله يكتب على كل وحده لقب البنت

وبدال ما اكتب لقب ربيعتي سنفوره جاان اكتب قمووره

ولما رجعنا الشقه يلست اجوف الخط اذا ينفع هع

واستغربت انه سنفوره ماشي حقها
ورجعت اجوف مره 2 وانصدمت انه وحده مكتوب عليها قموره

واستغربت من قموره!! بس بعدين تذكرتج انتي وعرفت اني تلخبطت بالالقاب ويلست اضحك واخبر اختي بالموقف هع

عاد احين عطيني ريال لانه كل ميداليه بريال خخخ

خسرتيني وخليتيني ارجع بالباجر اشتري غيرها لربيعتي هع

عاد اذا تبي ميداليتج تعالي بيتنا وبعطيج اياها هع

هذا كله من زود مافكر فيج لاه ههههههه

وثاني موقف حمااس هع

نحن طبعا لما وصلنا استحلينا الطابق الثالث كله>>ماشاءالله لازم نستحله دام العايله كلها رايحه هع

وطبعا من دخلنا هالعماره صارت ازعااج محد يقدر يرتاح والسبب اليهالوه مال العايله

بس قوم عمي سكنوا بالطابق الخامس وجدام شقتهم شقه كلها شباب ومن جميع دول الخليج>>هنا الحماس خخ طبعا نحن ماندري انه فيها شباب>>بريئين لاه هع

المهم ثاني يوم لنا بالعماره عمتي طرشتنا انا وبنتها فوق عشان انزل الشغالات لانهن بشقة عمي عشان يحملن الاغراض

ولما وصلنا قلت لبنت عمتي شرايج اضرب جرس هالشقه واذا حد طلع بنسوي نفسنا ما مسويات شي هع

وتمت العمليه وضربنا الجرس وطلع لنا واحد
قام يلف راسه منيه ومنيه ودخل وانا وبنت عمتي انفجرنا نضحك لانه نحن سوينا روحنا تونا طالعين من اللفت خخخ

وبعد ما عطينا خبر للشغالات عشان ينزلن

جهزنا اللفت انا وبنت عمتي وقلت لها انا بوقف عشان ما يسكر وانتي ضربي الجرس وشردي بسرعه وانا بجهز صبعي ع رقم ثلاثه هع

وتمت العمليه وشردنا

وظلينا طول ما احنا ساكنيين بالعماره

انطفر بالهشقه نضرب الجرس ونشرد ونسمع حد يفتح الباب ويسكره

ومرت الايام خخخ

وكنا بذاك اليوم راجعين فليل من المهرجان ورايحين نوصل شي لشقة عمي وقبل لا ننزل شقتنا سوينا الخطه المعتاده وضربنا الجرس بس ما وحنا هالمره نشرد

فسوينا روحنا نمشي بالممر وطلع واحد ورد ودخل وسمعناه يقول يا معود محد محد خخخ عاد هذا اكيد كويتي هع

والا قبل طالع اول شي كان سعودي هههههه

المهم نحن ما تعبنا من دق الجرس وعلى فكره مب بس هالشقه مطفرين هع هع

وطبعا باليوم فوق الاربع مرات نضرب جرس الشقه مالهم هع

وبآخر يووم لنا خلاص كنا محمليين السامان وبنروح

كنت انا وبنت العمه رايحين بعد فوق بشقة عمي نييب شي

وقبل لا ننزل ضربنا الجرس وشردنا هع ويوم رجعنا نضربه مره 2 حصلنا باب الشقه مفتوح

شكلهم مسوين فخ بس على منو علينا هع هع

طبعا ما يأسنا وقلت لبنت عمتي انا بجهز اللفت كالعاده وانتي استعدي

طبعا بنت عمتي موافقه انها دوم هيه بالمدفع هع هع

راحت ورجعت قالت ماقدر مفتوح الباب اخاف حد يجوفني

قلت لها احين صبري هم شكلهم يتابعوا مباراه واذا سمعنا حد صرخ نحن بنضرب الجرس وبنشرد لانهم بيكونوا مشغولين هع

وسبحان الله حد ياب قوول بس محد صرخ خخخ على طول ضربت جرس الشقه وشردت هع هع

ونزلنا تحت خلااص بنركب وبنروح العين يعني بنرجع من وين ما تحركنا هع

عاد اختي ذيج اللحظه تذكرت غرض نسته بالشقه وكنا انا وبنت عمتي ياين نركب وطرشونا نرجع نييب الغرض الا نسته اختي م الشقه عالسريع

عاد نحن ما صدقنا رحنا والحمدلله حصلنا الا نسته اختي

وقالت بنت عمتي خلا نسير نضرب الجرس خخخ

شكلنا تعودنا هع قلت لها يلا مب مشكله ترا احين الا مروحين ونحن يالسين نتريا اللفت يوصل يلسنا نقرر من الا بتوقف عند اللفت ومن الا بتضرب الجرس وفجأه سمعنا صوت حد ينزل من الدرج وابووي منو نازل؟ !!

عاد نحن وقفنا جنب اللفت وسكتنا والمصيبه والفاجعه والفشله انه واحد من الا بالشقه هو الا كان نازل وسمع االتخطيط وكل شي ونزل وهو كااشخ وقالن ابصوته الرجولي

((منو يضرب الجرس مال شقتنا ويشرد؟؟))

عاد هنيه كأنه حد صب علينا ماي باارد وسكتنا وما قلنا شي وهو رااح طبعا بعد ما احرجنا هع

لحظه
لحظه

لحظه ترا مب هنيه الاحرااج الا صار صبروا بعدها السالفه ما خلصت هع

بس عنااد له رحنا وضربنا جرس الشقه وعاد خلاص يايين نفتح اللفت وندخل ونشرد هع

انصدمنا اول ما فتحنا اللفت حصلنا ذاك الريال فيه ويالس يضحك علينا ويوم يينا نشرد عنه حصلنا اثنين من شباب الشقه طالعين وعرفوا من يزعجهم اخيرا

ويسلوا يقولوا طبعا هاذي بعض العبارات الا حفظتها هع

واحد قال((ههههه انتوا الا تصبحوا وتمسوا علينا؟))

وواحد قال((ههههههههه كشفناكم يعني انتوا الا تزعجوا الناس))

والا باللفت تحرطم وايد وقال اخر شي هم الا يزعجونا

عاد نحن وقفنا مثل الصنم خخخخخخ

همنا الوحيد ما نتاخر زيادة ولا بنحصل شغلنا

وطبعا على طول الا باللفت طلع ودشينا نحن وعلى اقرب مستشفى لعلاج الاحراج الا من النوع القوي

هههههههههههههههههههه
الله عليج اموره والله انك فله
عاد هذا جزات الي يزعج الناس بالله وهذي انتي بتروحي 3 ثنوي
وعلى فكره طرشي ميداليتي انتظرها
يسلمو اموره

هع هع هنيه المشكله اني رايحه ثالث ثنوي وجيه كركركر

وميداليتج جاهزه بس انتي تعالي بيتنا قبل لا اصرفها خخ

هههههههه الله يخس بليسج يا اموره

طلعتي مب هينه هع

لو انا كنت بالعماره جان رديت لج الحركه هع

يعني بضرب جرس شقتكم كل ما تضربي جرس شقتنا هع

وحده بوحده والبادي اظلم

احين مب رايق اكتب موقف بس اوعدكم مره 2 بكتب Smile

اليوم حبيت اقولكم موقف صارلي
محرج جدا بالنسبالي
الله يسلمكم انا اروح وارد المدرسه بالسيارتنا وكل يوم كنت توقف جنب باب المدرسه اليوم وانا طالعه شفت سيارتنا وركبت ورفعت راسي كان اشوف واحد رجال غريب ويشوف علي بالستغراب ههههههههههههه
مسكين طلع زوج وحده من المدرسات وانا راكبه سيارته طلعت من السياره ووجهي احمر من الاحراج بس والله لو شفتو شكله كيف صار كان بتموتو من الضحك
هههههههه

هههههههههههههههههه

هالحركاات وايد تصير ببنات المدارس والجامعات

وانا ودي اجوف شكلج كيف صار مب شكله كركركر

هههههههههههه بصراحه قويه مت من ضحك

عن جد احراج لاني انا ولد وصارلي هالموقف بعد واحنرجت عاد شلون بنت...

بس اكيد انتي عقللك ما معك وداير راسك هع.

واموره بعد مواقفك تضحك بس الثانيه كانها قصه وتعبت لحد ما اخلصها هع هع

هههههههههههههههه
ترى داير راسي من ذلا الكتب والشمس
اموره ابشرك شكلي كان غلط واحمر ولا بعد طالع من السياره واضحك

باااكوو قموره عندي موقف محرررررج مره

بس طبعا احين بزي ما عندي وقت اكتبه

لما ارجع من المكان الا بروح له

بخبركم عن هالموقف هع

حمستيني
انتظرك :*&ن:

سووري قمورتي على التأخير ...
والله يعينكم على الموقف حشى مب موقف روايه من طوله هع

الموقف لما بكتبه مارح تحسون بالاحراج من خلال القراءه ..
بس لو كنتوا فالموقف كاان حسيتوا انه ويهكم صار طماطه ودرجة حرارة جسمكم ارتفعت
ما بطول عليكم والموقف صاير بالسكوول
بعطيكم اول شي فكره عن الا كنا نسويه بالكلاس عسب تفهموني
الله يسلمكم ويسمنكم ويسمركم كاان عندي فلم ياباني مررره حلوو
وقلت حراام ما يصير انا اطالعه وبناات صفي ما يجوفوه وانا اعرف انهم يموتوا على الكوريين واليابانيين مثلي
عاد باليوم الثاني ربيعتي كانت يايبه لابها وانا من جفته تذكرت الفلم ورحت على طول الكلاس الا عدالنا وخذت الهاردسك من عند ربيعتي لانه الفلم فيه ورجعت طيراان عند البناات وقلت لهم درب درب قوموا ينطالع شي عجيب

وخبرتهم عن الفلم وقصته وصار الحماس والخبال ونص الصف تقريبا يلس يتابع معنا وكان عباره عن جزئين الاول تسع حلقات والثاني 11 حلقه ..
والله لو تجوفون شكلنا كان ما ترددتوا لحظه تصورونا بلوتوث هع هع
تخيلوا معي اللاب على الطاوله واحيانا يكون على ريلي والبنات عدالي يمين ويسار وفوقي خمس ست مخليات طاولات ويالسات وكل وحده تلف اللاب صوبها ومندمجات لدرحة كبييره حتى انه البنات الا ما يتابعوا الا يضحكوا علينا ويوم جافوا انه مطنشينهم قاموا يشغلوا الليتات ونحن نصرخ عسب يبندنهن هع عبالنا سينما خخخ

والمهم ظلينا على هالحال كل يوم وحده تييب لاب وطبعا انا علي الفلم ههه وهكذا الحال لدرجة انه البنات العبقريات مثلي خخ اذا كانت ابله تريد تاخذنا حصه زياده يصارخن وهن الا كانن قبل يطلبن هالحصه هع هع وهذا الا عيبني انا بالسالفه شكلي كل مره بييب لهن فلم هه...

الموهييم بذاك اليوم قالوا حصة نشااط وعاد ابلتنا وصتنا نشترك بالانشطه ونحن من دق الجرس على طول نشغل اللاب ونبند الليتاات وعلى الفلم وبذاك اليوم النحيس كنا نطالع الفلم ومجموعه من البنات تتسمع للmb3ويالسات اخر شي ويتبادلن وطبعا اذا جافنا شردنا وانتشرنا هن يشردن يعني يعرفن انه شرطيه دشت الكلاس علينا المهم بذيج الحصه ونحن مندمجين والبقيه يتسمعن ووحده منسدحه على طاولة المعلمه ومتلحفه بالمفرش وماشي نور الا نور الشمس هع

وفجاه انفتح بااب الصف وقسم بالله انه اللقطه الا كانت بالفلم قووووويه بس نحن ما كنا نطالع من تطلع حركه منا ولا منا كنت انزل شاشة اللاب كل مره بس هالمره لانه كان الموقف حااسم البناات صرخن علي وقالن خلييه بنجووف مره وحده على الاقل وانا قلت لهن ما يخصني انتن طلبتن ما عقب تقولن انا ضيعتكن ووافقن ورفعت الشاشه والحركه استغفر الله لدرجة انا كلنا نزلنا روسنا وصارن ويوهنا كراتين طمااط عاد احين ابيكم تتخيلوا موقف الابله من هاذي الحركه يعني الا ابي اقولكم اياه انها جافت الحركه آآآآآآآخ فتحت الباب عند هاذي اللقطه يااربي يالحظ الا لنا..

الابله وقفت مكانها منصدمـــــــــه من الا جافته ونحن اكثر ههههه عاد لاااا الا يضحك مب هني هنااك خخخ
عند بنات الmb3طبعا نحن من صدمتنا ما طلعنا صوت او اي حركة انتشار فهن من كثر ما معليات عليه ما سمعن صوت الباب ويوم عم الهدوء طغى صوت الاغاني وكشفناهن انهن يسمعن اغاني وهن يقولن والله نشيده هع هع
المهم خلونا نرد للاحراج الا صار.. الابله طبعا شو يعني بتسوي غير انها شلت اللاب وخذت الهادرسك الا فيه الفلم
وطبعا محد رضى يسمعنا ابدا وخبرت مربية صفنا عن الا نطالعه ويات مربية صفنا وعطتنا من الحلوو وعقب يلست تسأل من الا يايبه الفلم اهىء اهىء طبعا الكل سكت وينتظروني افول انا بس مستحييل انا اقول خخخخ
فلما يلست الابله تهدد بالدرجات للجميع اذا محد اعترف..ساعتها اعترفت وجفت علامة اسفهاام وتعجب كبيره انزرعت على راس ابلتنا طبعا من الصدمه هع هع
فكورس ما تفاهمت معي وحولتني الاداره مع الفلم وبالادراه صار ما لم يكن بالحسباان ولما نزلت حصلتهم مكبريين الموضوع اكثر من حقه وجفت المديره معها اللاب والهاردسك بين ايدها ..ساعتها قام قلبي يرقص ويطقطق ويلست ادعي واقري المعوذاات علشان تعدي السالفه على خير..
نادتني وقالت لي فتحي لي الفلم سرعه الا كنتن اطالعنه عااد انا ارتحت شوي..قلت بفتح لها فلم هندي وما فيه شي يعني بقص عليها هههههه فما اكتملت الفرحه لانه الابله الا ماسكتنا دشت اهىء وما باليد حيله فتحت لها بس ما فتحت الحلقه ذيج فتحت الاقبلها
ومن ذكااء المديره سكرت الحلقه الا انا فاتحتنها وفتحت حلقه غير والمشكله انه الحلقه الا فتحتها احنا بعدنا ما واصلينها ويلست اطالع وانا اجوف بس عيون المديره بتطلع من ويهها ولفت علي وعطتني نظره يعني يابنت على دفتر التعهد خخخ

بس طبعا انا نو ويي اوقع على شي مثل هذا فقلت لها استااذه لو سمحتي اريد اعرف على شو اوقع<<مسويه رووحي ماعرف شو مسويه هه
عاد هني المديره شوي وبتصفعني قالت تعالي شوفي شو هذا وراوتني مشهد انصعقت منه وقلت لها استاذه شو هذا نحن ما نطالع هالاشياء قالت لاااه ما اطالعي عيل من الا يايبه هالفلم هااه عاد هني يات لي الفرصه اتكلم وتكلمت وقلت كل الا بخاطري
قلت لها انا الا يايبتنه اعترف بس استاذه اريدج تعرفي انا نحن بنات 12 عشر يعني شو بتتوقعي منا نطالع توم وجيري مثلا؟؟
استاذه فهمينا نحن لما طالعنااه ما كان فيه هالشي ومثل ما جفتي الا شدنا انه التصوير والفلم كله بمدرسه وجامعه وهذا شي يعيبنا نحن البنات وبعدين اذا احين انتوا سحبتوا هذا عنا شو الا بيصير؟
اكيد انه كل وحده بتشيل الفلم بيتهم وبتيلس اطالعه وهذا شي بيضيع من وقتها فالبيت وبيبعدها عن كتبها بس بالسكول وبالوقت الفاضي انطالعه وما يسحبنا عن شي واستاذه كل فلم وكل مسلسل ما يخلو من شي سيء واستاذه اذا يينا نتكلم عن الايجابيه والسلبيه فبقولج انه الايجابيه اكثر اول شي تعالي سالينا عن اليابان وكيف تعليمهم كل منا احين عندها هالمعلومه ..من وين عرفناها؟
من الفلم وتعالي سألينا عن مصطلحاتهم بتحصلينا نعرف شوي وهذا بقولج تعلمناه من الفلم
استاذه انتوا علمتونا ناخذ المفيد ونترك السىء وهذا نحن الا سوينااه
استاذه فهميني بمنطقيه وتمييت اقوول واايد كلام وانا شخصيا انصدمت كيف قلت جي بس ارتحت لما سمعت رد المديره
الحمدلله انه عندنا مديره متفهمه ودبلوماسيه خخخ
الموهييم لما مرت سالفة الفلم طلعت لي الmb3وقالت لي وشو عن هذا

طبعا انا ماعرفت شو ارد توني كنت ادافع عن بنات صفنا
بلعت ريجي وقلت لها اسفه خخخخ عارفه عمري من الاساس غلطانه بس بروحي يلست اتفلسف ولو تلاحظوا انه كلامي خرابيط بس مادري كيف اقنعها هع هع

ويلست اتفلسف مره ثانيه وادافع عن البنات وقلت لها انه فيه انااشيد مافيه اغاني وبنت وحده يايبتنه عشان تسمع وحده بصفنا محاظره لنبيل شعيل فاستاذه لا تفكروا وتاخذوا فكره عنا بالملقلووب

طبعا انا كذبت لا فيه اناشيد ولا محاظرات والا ساعدني انه السماعات مالهن ما عند المديره عند البنات فخرطت عليها ولما جافتني اتكلم بثقه وبدون تردد وما خيفانه صدقتني اصلا انا من كذبت هالكذبه غيرت الموضوع بسرعه عن تقولي تريد تتاكد المهم صرفت كل هذا ورجعت الصف وعندي كل الاغراااااااااااااااااااااااااض

ولما دخلت الكل انصدم انهم ما عطوني شهادة تقدير او شي (استدعاء ولي الامر)واني راده لهم الmb3
والاب والاهم الهاردسك

ورغم هذا ما تبنا .. لما فضينا الحصه السابعه رجعنا على ما كنا عليه هع هع

بس كااان احراااج عند المديره والابله خلااص من بعد هالفلم توويه اروايهم فلم2

وعلى فكره الا سهل كل هذا انه كاان ضيووف بالسكوول والمديره ما حبت اطول السالفه معي ولا تقصرها عشان ما نقول عنها غير مباليه خخخ

بس الا فرحني اني انتصرت على الابله الا ماسكتنا ..اكرههاااا حيــــــــــــــــل...بس بس بعده احرااج هع

دومي وكالعااده اطلع من المشكله الا اسويها مثل الشعره من العجينه بفضل الخبره الا امتلكها باقناع الاخرين ورغم اني احس الا اقوله لهم خرابيط وكلام فاضي مادري كيف يقتنعوون..هذا السؤال الا محيرني؟

بس لو تقولون لي احين قنعينا بشي ما بقدر اقنعكم على ورق اوه اقصد بالكتابه هع
لازم استعمل كل الحوااس ولازم لساني يتكلم اهم شي وهذا احلى ما فيني

ما كأني كنت امدح نفسي شوي؟؟

لالا انا ما مدحت نفسي انا اقول الا فيني لاني اؤمن بذاتي وقيمتي

عاارفه اني طولت علييكم بس هاذي طريقتي احب اعبر ولو كانت السالفه قصيره هههههههههههه بس عاد مب دووم هع

خخخخخخخخخخخخ

موضوع حلو خطير ياسمينه

وقصتك امورة حلوة خخخخ...بروح اسوي مثلكم فلم ياباني عن المدرسة في المدرسة ايش احلى من كذا..هع هع

aR!gatoOoo

عفوا عربوووجه

وانا بعد بسوي ياباني وكوري احلى شي

كماانيه على الازعااج