قصيدة فتاة ليلة زواج حبيبها

جاني الخبر ياصاحبي واظلم الكون
قدام عيني ثم نطقت الشهاده
على العموم أقولها ألـــــف مليون
مبروك من قلب شكالك بعاده
مبروك لايهمك سواليف وظنون
من عاشق يهديك فرحه فؤاده
سو الفرح اليوم وابليس ملعون
واللي يشب النار يجني رماده
انا أول العالم على القصر يلفون
أول معازيم الفرح والحداده
أبشر أنا برقص على العر بالهون
كلن يعبر عن فرحته باجتهاده
لو اللبلا رقصي بيقولون مزيون
المشكله القلب يفضح وداد
يوم العذارى في دخولك يغنون
وعروستك بأحلى ثواني السعاده
كنت أتمنى بدالها والله أكون
واحط كفي تحت راسك وساده
وشلون ابكتم صرختي يوم تمشون
تكفا خذوني للعروسه قلاده
حتى معازيم الفرح قاموا يمشون
واصبحت أنا وحدي بدون استفاده
واطفوا على النور من غير يدرون
قصر الفرح قبر عمري ومهاده
وصيتي لو جاتك بنت أنا أمون
سميتها لك (أمـــــــل) قبل الولاده

يسلموووو ياسمينه ع القصيده الفنتاستيك

العفو سبيشل والله طلتك الفانتستكيه

يا حليلها مسكينه الله يلهمها الصبر ع فراقه

قصيده رووووووووووووووعه بس طشه هع

امين
لا اله الا الله انت ما تعرف تقول كلام غاوي على فكره القصيده منقوله
ما انا الي كاتبتنها وان شاء الله ما اكتب مثلها