صـــــراحة...

موضوع: صـــــراحة... الأحد أكتوبر 31, 2010 4:30 pm

اختار سؤالين اجاوبك عليهم

1-شخص تحبه

2-كم مره حبيت في حياتك

3-انسان يقدر يخليك تبتسم في عز همك

4-انسان زعلته وليش

5-شخص تحب ستايله

6-تاريخ مستحيل تنساه وليش

7-اغنيه ترمزلشي و لشخص في حياتك

8-شخص تتمنى يحضنك الحين

9-شي يخليك تستانس كثير

10-اكثر موقف محرج تعرضت له

11-شخص ماترد له طلب

12-موقف ضايقك كثير

يعني اللي يرد الاول انا اجاوب عليه والثاني يجاوبه الاول وهكذا

ودي لكم
عربجيـــه

عاده لا تتوقعو بجاوبكم على اي سوال

اختارو سوال سهل هع

أختار السوالين 6 و 9

6-تاريخ مستحيل تنساه وليش

9-شي يخليك تستانس كثير

اللي بعدي يختارلي اسئله سهله..هع

السوال السادس::

6-تاريخ مستحيل تنساه وليش

11ـ4 يوم ميلادي يطير

السوال التاسع::

9-شي يخليك تستانس كثير

امممم النوم ،، ""انمي"" ،، أفلام يابانيه وكوريه ،، لما أروح مولات ويعطوني ميتين ريال ويقولو لي

تسوقي بكيف كيفك واذا ما كفن الفلوس بنزيدك (الاحلام ببلاش) هع ،، آآآآ مادري اذا اتذكرت

أشياء زياده بقول..

يله فيروسه جاوبي على السوالين 1 و 12

وبالمره بعد جاوبي على السؤال ثلاثه وثماانيه>>اسئلتي بالمره مب محرجه هع هع

لا ما يصير بس اجاوب على اسئله عربجيه

1-شخص تحبه

في كثير ناس أحبهم وربما يكون ذكر أحدهم دون الاخر تقصيرا تجاهه هع

عشان كذا بقول أحب نفسي هع هع

12-موقف ضايقك كثير

لما قلولنا انو الابله غايبه

وبعد ما تهيأنا نفسيا للحصه الفاضيه

فجاه نشوف الابله تدخل الصف اوووووووف كان ودي اصرخ لااااااااااااااااااااااااااااااااااااااااااااا

والاسئله اللي اختارها امير هو يجاوب عليها هع

يعني السوالين 3 و8

بالنسبه للسوال 12 اجابتك صحييييييييييحه تمام وصح الصح

لكن السوال 1 كان مفروض تقولب عربجيه ..هع

يله ننتظر اجاباتك اميروه الدفيشه

يلهه بسرعه جاوب عشان يجي دورنا حنا نجاوب هع

وينه أميير ؟؟ ما له ما جاء؟؟

آاوومممم رغم اني مب مجبور اجاوب مثل ما تهربت المتفيرسه .. بس رح اجاوب لاني بس ماحب اتهرب من مجرد لعبه ^_~

السؤال الثالث جوابه:آامم اتوقع ربيعي وما انسى اختي

السؤال الثامن جوابه:آآوومممم .. بعد تفكير عميق ومراجعة قلبي وعقلي الجواب هو الذره الا بداخلي..ودي انها تطلع مني وتحضني حيـل وما انسى حبيب قلبي اخوي وفديتها الوالده>>حشى ما خليت حد ماريده يحضني... امزح معكم انا مب محتاج لحد يحضني ابد لاني مب فاقد حنان الحمدلله

و اللي بعدي يجاوب على السؤال رقم 11 ورقم 12

11-شخص ماترد له طلب

أنا طبعا

12-موقف ضايقك كثير

ماشي

المتفيرسه وين أسئلتج للي بعدج..

اوك مب مشكله انا بحطهن بدالج..

اللي بعدي يجاوب على السؤالين((5،7))

5-شخص تحب ستايله
أناا
وسيل وغيير

7-اغنيه ترمزلشي و لشخص في حياتك
أغنية فيروس المدارس >>بعدها ما طالعة للدنيا

للي بعدي 4 و 10

رقم اربعه جوابه:من طبعي ماحب ازعل احد ولا احد يزعل مني>>احاتي ملك الموت هع

بس فيه مره اذكر اني زعلت ربيعي مني والسبب انه كان يتصل فيني وانا مارد واخر شي طرش مسج يقولي بسك نوم>>على نياته عباله اني راقد

كاتب بسك نوم والمغرب نلتقي عند مستشفى توام..عاد انا على طول اتصلت فيه وسالته عسى ما شر شو نسير نسوي بالمستشفى؟؟خبرني انه واحد من الشباب بالمستشفى وبنروح نزوره فقلت له اوك على خير وسكرت عنه..

وبعد ما سكرت عنه يت الوالده تقول المغرب وصل خواتك بوظبي عشان ملجة بنت خالتك فقلت على طول على خير ونسيت ربيعي ولما صليت المغرب مسكت خط بوظبي وربيعي يترياني عند المستشفى على اساس ندخل ويا بعض>>مسيكين هع

ولما عدينا نص الدرب اتصل هو وكان معصب وقلت له هدا يابو الشباب انا احين بوصل عندك انت بس لا تتحرك ثواني واكون عندك>>صدقني وقال اترياك وان تاخرت بيصير كلام 2

سكرت وقلت خله ينثبر شوي هناك ولما وصلت بوظبي رسلت له مسج وكتبت فيه ((تعيش وتاكل غيرها انا في بوظبي يا الحبيب))

ووقتها ما كلمني تقريبا لمدة يومين واليوم الثالث رحت له وقلت له ما يصير اكثر من ثلاث ايام تزعل علي ترا ما بتنقبل صلاتك وغيره من هالكلام وهو مكبر راسه ومسوي طاف ولما جافني قمت عنه وعطيته الظهر جان يمسك ايدي وحظني وقال خلاص بالحل مسموح ما من بينا خلافات وهالموقف صاير بممر الجامعه هع>>احلى مافيه طيبته وحنون زياده عن اللزوم((احمد ربي على هالصديق))

وهاذي اطول مده حد يزعل مني يعني حدهم الا يزعلون مني ساعه او ساعتين وعقب يرمسوني عادي>>ما يتحملون ما يكلموني خخ

جواب السؤال العاشر هو:وايد مواقف محرجه والا اذكرها وما تغييب من بالي لما كنت رايح اييب اختي من المدرسه عسب موعدها..الله يهديها امي وعتني عالسريع ويلست تستعيلني اروح اييبها من المدرسه اونه تحاتيها مريضه الموهييم انا يادوب غسلت اسناني وخذت السفره وركبت السياره ولما وصلت المدرسه جان انزل وجفت سياره جدامي عليهامخفي كاامل يعني ما تجوف شي من داخل السياره اللهم تجوف شكلك على جامة السياره فالله يسلمكم اخوكم خالد مسك الغتره ويلس يضبط نفسه ويتغتر والفشله الاكثر اني كنت اتغتر وامدح نفسي يعني اقول مثلا من قدك ومن يتحداك بهيبتك ويلست اطرب واسوي حركات اوني كشخه عاد وبعد شوي مادريت غير جامة السياره تنزل وبطلت عيوني ورجعت خطوتين على ورى من الصدمه وكانت معلمه فيها جان تقول((والله عرفنا انك كشخه وهيبه بس ممكن تخلص بسرعه اريد انزل)) من الفشله والربكه قلت لها شكرا خخ ورحت داخل ويبت اختي ورجعت وانتهى كل شي بس احرااج عن جد لما اتذكر الموقف.

الا بعدي يجاوب على واحد وتسعه

ذي ما اجابات حشى تعبير

------------------

السوال 1

امممم احب حبايبي هع

------------------
------------------

السوال 9

لما يكون طووووووووووووووول اليوم في المدرسه حصص فاضيه هع

اعرف مستحيل بس خلونا نحلم

للي بعدي 2 و 11

2- ولا مرة انا ما مال علاقات ما فاضية حال هذي السوالف

11- امم امي و ابوي و جدي و جدتي

ما اخترتي سوالين بنوته..

اممم انا اختار 3 و 4 ..انا ما عارفه الاساله لانهن في الصفحه الاولى..فاللي يجي بعدي يكتب السوال والجواب..

السؤال 3-شخص واحد بس ربيعتي

السؤال4-ولا احد الحمد لله

خخخخخخخخخخخخخخخ الله يبعد الزعل^^

الي بعدي ابي سؤال
10و6

1-شخص تحبه

2-كم مره حبيت في حياتك

3-انسان يقدر يخليك تبتسم في عز همك

4-انسان زعلته وليش

5-شخص تحب ستايله

6-تاريخ مستحيل تنساه وليش

7-اغنيه ترمزلشي و لشخص في حياتك

8-شخص تتمنى يحضنك الحين

9-شي يخليك تستانس كثير

10-اكثر موقف محرج تعرضت له

11-شخص ماترد له طلب

12-موقف ضايقك كثير

----------------------------

السوال6::..

11-4-1997

تاريخ ميلادي.. يطير

----------------------------

السوال 10::..

ما اذكر مواقف محرجه..يعني طبعا في مواقف محرجه بس كلها بسيطه واصلا انا ناستنها ماسك نجمه

----------------------------

اللي بعدي 9 و 11

مشكوورة حبوبة على الموضوع

9-شي يخليك تستانس كثير

الجلسة مع ربيعتي الحبوووووبة ^^

12-موقف ضايقك كثير

شو هذا التناااقض في الاختيار Razz

اممممم الي يخليني اتضايق لما يكون عندي اكثر من امتحان في يوم واحد و ما عندي وقت اني اذاكر للامتحانات كلها Sad

يالله الي بعدي 5 و 7

5-ستاااااااااااااااااايلي اكييييييييييييييد خخخخخخخخخخخخخخخ

اما7-غرشوب لراشد الماجد

الي بعدي يلا ابي السؤال8و2

هع

ما اخترتي مووون..

امممم

-------------------

2.كم مره حبيت في حياتك

اجاوب نفس جواب بنووته...انا ما مال علاقات..هع

8-شخص تتمنى يحضنك الحين

حبوتي..هع

اللي بعدي 1 و 3

2-كم مره حبيت في حياتك

حبيت اللي أحبهم بعددهم

8-شخص تتمنى يحضنك الحين

أكره شيء اسمه حضن ..!!