........ابي اكلم احد عالماسنجر وارتااااااااح
اللي لحد الآن تكلم الشباب على المسنجر ؟ ؟
شووو استفدتي ؟؟
ما نبيك تقولين لنا
بس كل اللي نبيه تفكرين وتسالين نفسك هالسؤال . .شووو استفدتي ؟؟
والله العظيم
اتحدى اي فتاة تقول انها تكلم شباب على المسنجر . .انها مرتاحة بوضعها اللي هي فيه
قلق
وشك
وخوف من الاهل . . وفوق هذا . .غضب وعدم توفيق من الله سبحانه وتعالى
هذه هي حكمة الله في خلقه
( ومن أعرض عن ذكري فإن له معيشة ضنكا )
فلا أصدق أن فتاة أو شاب مرتاحين بالوضع اللي هم فيه
وحتى لو تظاهروا بذلك
عيل شلون كل ما مر حد من وراج تنزلين الصفحة تحت
وتقولين انا مستانسة ؟؟
وشلون كل ما امك تسالك شتسوين
. . تقولين ابد . . انزل اغاني ولا قاعدة على منتدى . . وتقولين انا مستانسة ؟؟
شلون تغطين نفسك بالف فراش ولحاف وتقفلين على نفسك الباب لما تبين تتكلمين في التلفون . . وتقولين انا مرتااااحة ؟؟
هــل هذا اللي تبحثين عنه ؟؟؟
هل هذي هي الراحة والسعادة ؟؟
فانظري لحالك
. . وتفكري
. . بهذه السعادة الموهومة
وأنا استغرب . . من بنت تكلم الشباب على المسنجر .. وبعدين تقول
ابي زوج صالح ومتدين ويخاف ربه
!!!!
تعالي يا يبا . . وقفي شوي
على اي اساس تقولين ابي زوج متدين ويخاف ربه
وانتي ما تخافين الله
وطول الليل والنهار هذرة مع الشباب على المسنجر ؟؟
هل تعتقدين اصلا ان الله راح يبتلي انسان صالح عفيف
بوحدة مثلج انتي ؟؟
لن تجدِ إلا شخصا مثلك
هذا الكلام مو من عندي . . ولكنه كلام الله سبحانه وتعالى . .
فهو الذي قال : الخبيثات للخبيثين والخبيثون للخبيثات والطيبات للطيبين والطيبون للطيبات
لكن هذا كلام الله سبحانه وتعالى . . وهذه هي حكمته في خلقته . .
وحتى الشباب . .
هل تعتقد بأن الله سبحانه وتعالى سيبتلي انسانة عفيفة
بمن هم على شاكلتك ؟؟
ياللي تقرا هالكلام الحين . .
وياللي تقرين هالكلام الحين . .
فكروا شوي
ليش ما سمعنا في يوم من الأيام أن فلان الملتزم تزوج وحدة عليها كلام ؟؟
ولا سمعنا كلام عن اهل واحد ملتزم ومحترم ؟؟
وفي المقابل كل ما تزوج واحد من هالمختربين . . سمعنا كلام عنه وعن من تزوجها ؟؟
يا الله العفو و العافيه في الدنيا و الآخره
مو لازم اتكلم كثير واضرب أمثلة
لأن الامثلة تقدر تشوفها وتقدرين تشوفينها من حواليكم وواضحة للجميع
وصدقوني
والله العظيم
إن الانسان مهما حاول أنه يتأكد من صلاح من سيتقدم لها أو البنت حاولت تتأكد من صلاح المتقدم لها
لكن حكمة الله فوق كل شيء . .
وسيبتليكم . .
فالآن الطريق مفتوح امامج
. تبيعين باقي دنياك
. . من أجل لهو وشهوة ساعة
. . . وكلام فاضي كل واحد منا يدري أنه لا يقدم ولا يؤخر ؟؟
ولا تخافين ربك . .
وتبتعدين عن هذا الجو . .
وتفوزين بالدنيا والآخرة ؟؟
طبعا
ً . . بتجيك وحدة . . وبمنتهى البراءة . . وبتقول لك . .
اصلا انا لما اكلم الشباب على المسنجر . . ما اقول شي غلط . . مجرد سوالف عادية . .
يا سلالالالالالالالالالالالالالالا الالالالالالالالالال ام
طيب . . وشلون إذا كان الاساس غلط ؟؟
هذه المحادثة أختي العزيزة . . حرااااااااام شرعا ً ولا تجوز . .
وبعدين تعالي
ألم يقولوا . .
أن عظيم النار من مستصغر الشرر . .
تكفيكم تلك القصص التي سمعناها . .
من فتيات كانوا يقولون نفس هذا الكلام . .
ثم تدريجيا . . شوي شوي . . حبة حبة . .
انجرفوا بغير إرادتهم تحت الخط الأحمر . .
إما إلى الزنى . . وإما إلى وهم العاطفة والحب . .
فأما العاطفة . .
فما بدأت إلا من الكلام حول
( انا ايش اعنيلك . . وانتي ايش تعنين لي )
ويتبعها تفكير ثم تفكير . .
وانتظار على النت لساعات طويلة . .
والنتيجة ؟؟
قلب مكسور . .
وانطواء عن الناس . .
وانشغال عن الله سبحانه وتعالى . .
خسران في الدنيا وخسران في الاخرة . .
اووووووووه ..
نسينا شي مهم . .
بكرة بعد الزواااج
أكيد أوهام الحب القديم . . ستراودك ِ بين الفينة والاخرى . .
أما تستحين ؟؟
أما تخجلين ؟؟
أن تكوني مع زوج لك يحبك وانت تخونينه في داخل عقلك ؟؟
طيب
انتي ما تستحين
عادي عندج تخونين زوجك بهالطريقة
طيب وراحتج ؟؟ والمودة والرحمة والحب الطبيعي الصحيح بعد الزواج ؟؟
تتركين كل هذا يخترب من أجل ( سوالف عادية ) على المسنجر ؟؟
لا خوف من الله . . ولا خوف من الناس حتى !!
وتبين زوووج محترم بعددددددددددددد ؟؟
لالالالالالالالالالالالالالالا لالاه ؟؟؟
لا تقولون سوالف عادية
فانتم في قرارة انفسكم تعلمون
هل تخدعون الناس ؟؟
ان خدعتم الناس بتبريركم هذا
فلا تستطيعون ان تخدعوا انفسكم
وان تمكنتم من اقناع انفسكم بهذه الاعذار
فلن تخدعوا الله سبحانه وتعالى
اقرأوا هذه الآيات وتمعنوا فيها . .
وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ
مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ
يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيد حسنا
وماذا بعد ؟؟
إلى متى ؟؟
ألم تقتنعي بعد ؟؟ بتقولين
. .
ما اقدر والله . . واللي معاي ما اقدر افارقهم ووووو . .
سؤالي إليك . .
في من تثقين أكثر ؟؟
في نفسك التي يوسوس لها الشيطان
أم في الله سبحانه وتعالى ؟؟
هذا قول الله سبحانه وتعالى في الحديث القدسي :
((أنا عند حسن ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منه ، وإن تقرب إلى شبرا تقربت إليه ذراعا ، وإن تقرب إلى ذراعا تقربت إليه باعا ، وإن أتاني يمشي أتيته هرولة ))
سوري لاني طووووولت عليكم
المزاج
الإثنين يناير 03, 2011 3:39 pm
