مواقف حرجه للعرسان ..هههههههههههههههه

اولا:تقول الاخت زياراتها للمطاعم مع اهلها كانت قليله
اول ايام زواجها دخلت مع زوجها المطعم قال زوجها للجرسون جيبلي منيو ..
وسألها وش تبين قالت: مثلك منيو بس تكفى لايحط فلفل
زوجها تسدح من الضحك وهي تقول احسبها وجبة او طبق معين..

ثانيا: في وحدة شعرها دايم يحتاجله استشوار مهو بناعم المهم الاستشوار النذل
اخترب مادري وش صار فيه عاد هي ذكائها قادها لفكرة جهنميه
وش سوت راحت على طاولت الكوي وانسدحت وهاتك يكوي بها الكتش
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تروج وحدة ماهي صاحية

ثالثا : وهذا موقف لوحدة بشهر العسل تقول كنت مسافرة خارج السعودية واشتهيت
مطعم عربي الله لايعيدها المهم لقينا مطعم لبناني ورحنا له وحطوا لنا طبعا قبل مانطلب
زيتون ومخلل وجاء الجرسون واقف فوق روسنا ياخذ الطلبات وزوجي يقوله الطلبات
وانا احاول اصيد الزيتونة بالشوكة ومدري إلا الزيتونة تطير وتصفع وجه الجرسون
وهو ياخذ الطلبات
قام قال عنا في لبنان ناكل الزيتون بايدنا عاد انا ما اسكت وانثبر
قلت غريبة حنا عنا بالسعودية نصيدها بالشوكة
وماسكها زوجي علي اللحين كل ماشاف زيتون قال هاه بالشوكة وإلا بيدك خخخخخخخخخ

رابعا : وحدة تقول انا متزوجة ولد عمي
وأول ماتزوجنا رحنا بريطانيا منها شهر عسل ومنها هو عنده دورة
المهم تقول مرة دخلنا واخذت المنيو وقعدت اناظر الكلام كله انجليزي وانا ماأعرف
ولا حرف بالنجليزي
تقول هو اختار والجرسون واقف عند راسي يحتريني اختار قال زوجي تبين اساعدك
بالاختيار قلت ليش طايحة من عينك انا اعرف اختار المهم تقول اخترت طلب محطوط في
اطار وحركات قلت اكيد هذا شئ حلو وقلت ابي هذا قال زوجي متأكدة قلت ايه اصلا من زمان
اطلبه لما كنت اطلبه مع اهلي تقول قالها طيب ابشري وهو يضحك ويوم جابوا الطلب هو مكرونة
وحركات وانا وجبة اطفال !!!!!!!!!!!!!!

خامسا: يقولون في وحدة تستحي من زوجها بالمرة تضايق الزوج وكلم خواته يكلمونها
وكلم ام زوجته كذلك المهم أزعجوها أمزحي والعبي واضحكي معه قالت ماأقدر المهم طولوا
عليها بالكلام وفي مرة من المرات وهي مع زوجها سبقها زوجها بينزل مع الدرج قالت
فرصة امزح معه شوي علشانه مابشوفني المهم دفته مع الدرج إلا هو في اخر الدرج متشقلب
وقاعد يون ويصيح من الالم قالها وش فيك كذا جلست البنيه تصيح وتقول كله من اهلك
يقولون امزحي معه وهذي اخرتها............

سادسا: بقولكم اليوم عن وحده اعرفها اول ايام زواجها تقول كنا طالعين واحتجت الحمام
مرررررررررررة بس مستحيه اقوله وهو شكله ماعنده نيه يروح لمكان فيه حمامات
المهم تقول عجزت اتحمل وجلست افكر باسلوب حلو مايخرب برستيجي عنده قلت خلاص
بقوله ابغى دورة المياه احسن من كلمة الحمام تقول وانا ميته من الفشله قلت ابغى اروح
لدورة الحمام مادريت إلا الرجال يضحك ويقول ياعيني على الاتيكيت

سابعا: هذي وحدة تقول اول ماتزوجت كنت ادرس وكان يوديني زوجي للجامعة وياخذني
المهم انا جالسة انتظره وكنت واقفه في الشارع واشوفه بعد كم سيارة المهم جلست استناه
يوم وصل عندي وانا امشي بغنج إلا واطيح ذيك الطيحة طرااااااااااااااااااااااااااااااااااااااااااخ
جلست على الارض مايشوف الا راسي من عند شباكه جالسة اناظره ولا اتحرك وكان
الشارع مليان رجاجيل وبنات واركب في السيارة وهو ميت من الضحك واجلس اصيح
قلت ماتعرف تسمي علي

واخيرا : هذا الموقف قرأته وحدة من البنات وقلته لي وحبيت اقوله
وحدة تقول اول ماتزوجت طحت عند باب المطبخ وانهبل زوجي وبسم الله علي
سلامتك حياتي
وبعد مرور سنة طاحت بنفس المكان قالها عمى ماتشوفين




انتظر ردودكم
اخوكم ولد الخوير loOoOol