يومياااااااااااات اموره

يومياااااااااااات اموره

لكل انسان يوميات يذكر فيها مواقفه النبيله هع هع
يكتب كل ما يمر بحياته سواء كان ذلك فرح أم حزن
وأنا واحده من هؤلاء الأشخاص
الذين يستمتعوا بكتابة كل ما يحصل لهم
فقط من أجل الذكرى
لكي لا ننسى تـلك المواقف البطوليه
سواء أكانت كوميديه أم مواقف اكشن خخ
<<<< خووش مقدمه والله>>>>>
لنبدأ معا الى عالم اموره ونفتتحه بالبطاقه الشخصيه

الاسم: فلانه بنت فلان بنت فلان الفلاني.
العمر: بعمر الزهور بعدني .
الجنسيه:عمانية من اصل عماني.
فصيلة الدم: "s"..مطوره بفصيلتي.
الحاله الاجتماعيه: فبيت اهلي.
الوظيفه: طالبة علم ولله الحمد.
الوزن: مثل وزن بنت الجيران .
الطول: طول بنت عمي.
الشبه: الله يخلق من الشبه اربعين بس انا مالي شبيه غير القمر.
الهوايه: كتابة الخواطر والروايات وصنع المقالب الغريبه.
الاهتمامات: أي شي فيه اكشن وحماس أهتم فيه.
درجة الذكاء: سبحان الله نفس درجة ذكاء نيوتن.
___ ___ __ __ _____ ________

وبعد ما عرفتوا منو انا سأبدأ بكتابة يومياتي
ولا تبخلو علي بردودكم المعطره>>مب مشكله اذا مافي عطر.

السلام عليكم ورحمة الله وبركاته

ـــــــــــــــــ جلوس هع ـــــــــــــــــ

هاذي اليوميه كتبتها بأيام الامتحانات الله لا يبلينا بمثل هالايام

آآآآآآآآآآآآآآآآآآآآآآآمين

اليوم بخبركم عن حالي وحال كل وحده بفترة الامتحانات...

عاد الله يسلمكم طول الوقت ماسكة الكتاب جدام امي اوني اذاكر وأنا مناك اكمل روايتي اللي رح انزلها أول ماخلصها هنيه واختي واخوي يتراسلوا بالاوراق يعني اختي تيلس عند باب غرفتنا وموقعها هناك اونها تدرس واخوي فغرفتهم نفس الموقع وبعد اونه يذاكر كلنا اونه نذاكر محد يدرس بجديه غيركم ههه وعاد كل واحد يكتب لثاني ويروشها عليه بحكم انه غرفتنا وغرفتهم متقابلات وبينهم مسافه وهالمسافه مطله على الصاله وامي هيه واخوي الصغير بالصاله ومشغله له طيور الجنه هع بس الحلو انه مره امي كشفت اخواني شافت ورقه اطير بالهوا هه وكشفت ليش كل واحد يالس وناشر كتبه عند الباب ههه

عاد انتوا لو تشوفوا شو يكتبوا بالاوراق بتموتوا ضحك وطول الليل يعني اقصد من لحظة ما امي ادش غرفتها واسمع باب الحجره ينقفل اروش الكتاب وابدي بالاستمتاع أول شي اروح أنا واختي برع فالحوش الساعه وحده نقطع حدال شوي شوي لا تسمعنا امي وتزولنا لانه أول شي قطعنا حدال وهذا ممنوع فبيتنا ممنوع نقطعه لين ما يستوي همبا هع وثانيا لانه طالعات ومودرات المذاكره....

المهم عقب ما نقطع حداله وحده عن تحس امي انه شي نقص من الشجره هه نسير نسوي خلطتنا السريه ( ملح وبزار وفلفل اسود واحمر) وبعدين نسير صوب ال TV
وعقب اروغ اختي على كتبها او فراشها هه مستقويه عليها لانها أضغر مني يعني استفيد بها عند الحدال تطلع معاي وعقب اخليها شوي عن خاطرها تجوف

معاي المسلسل وعقب احوشها على فراشها وأنا ايلس أطالع أفلام يابانيه ولا كوريه واذا مليت احول على المنتدى او المسن وايلس اخذ اخبار الشله وعلومها

يعني عن المذاكره مثلا شو ذاكرتي؟ وكم ورقه برشمتي؟وزيدي لي وبعدين يأذن اذان الفجر وعلى طول اشرد على الكتاب بعد ماصلي وما اسير ارقد لين ماتفتح

امي باب الحجره وتشوفني يالسه اكل الكتاب هه يعني ادرس عاد امي فديتها تقول يووه ما رقدتي عاد أنا بدوري تلقائيا اقول:هيه اماه ترا وايد لين ما خلص

وتوني مخلصه الكيمياء ههه عشان الصبح انام وأنا مرتاحه وكل يوم على هذا الحال...

والى اللقاء مع يوميه ثانيه^_^

هووود هوود اموره وصلت ويايبه لكم جدولها مال المذاكره مال السنه الماضيه

قلت لعل وعسى حد يستفيد منه هع

طبعا هذا جدولي انا وبنت الخاله كل اربعاء اتي بيتنا ونطبق هالجدول

وأحيانا العكس انا الا اروح بيتهم المهم والاهم شوفوا الجدول وعطووه اخوانكم

لانه بصراحه وايد استفدنا منه والدليل شهايدنا المقطع بالزباله

· من الصبح ليــــــن الساعه سبع ليلا على النت

· من الساعه 7-9 حصه خصوصيه لمادة العنجريزي

· من الساعه9-10 حواطه بالحوش

· من الساعه10-11:30 سوالف مع الاخوات العزيزات لين ينخمدن

· والساعه 11:30 تنقفل البوابه (( باب الحجره ))

·من الساعه 11:30-12 تجهيز المكان للسهره أقصد المذاكره الحلوه(تنشيح الاوراق في كل مكان+فتح الكتب والدفاتر وقلبهن...الخ)

·/ من الساعه 12-2:00 أكل مينو دياي وداغوص وخمر عمان(الديو)+سوالف

· الساعه 2:00 شي خطير بنشوفه

· الساعه 3:00 سالفه مؤلمه شوي وتقهر وبنيلس نتناقش فيها ههه

· الساعه 4:00 شي يفرفش بعد القهر ههه

· الساعه 4-4:15 ترتيب وتنظيف المكان من آثار الجريمه

· وآخر شي بيأذن اذان الفجر وبنصلي ونوووووووم لين الساعه مالا نهايه...

أرجوا تطبيق الجدول لتروا النتائج بأعينكم واسأل مجرب ولا تسأل طبيب

وانشاءالله انتوا ودرب التفوق واحد

و لا تنسوني بردودكم المبخره

ويلا اشوفكم بيوميه احلى^_^

[/size]

حماس ا يومياااااااااااات اموره 557220

حد يقرأ لانه فيه وناسه\

بس شو الفاديه من الموضوع؟

كل موضوع لازم نخرج منه ولو بفايده وحده

ياليت تحطى تجاربك ع نستفيد منك

انشاءالله بتستفيدي يا مديرتنا

انتي ما عليج الا اتابعيني هع

سلااااامي على الجميـع صغارا ام كبارا أقزاما ام مطاويلا
شياطين أم عفاريت اليوم يبت لكم سالفه غيــــــــــر وانشاءالله تستمتعوا فيها بس الرجاء عدم التقليد ههه

الله يسلمكم ويسلمني مره كنت مره مره طفشانه))شكله عندي عرق سعودي اقول مره مره خخ
المهم كنت ملاانة حيل و وبنت خالتي فالاوقات هاذي تطب علي تحس فيني ههههه انزين لما وصلت وبعد ماخذينا علوم بعض يت على بالي فكره جهنميه وهيه انه نتصل على الشرطه ونلعب عليهم شوي يعني نفرفش الجو خخ ويلا ما بطول عليكم اكثر خلونا اندش على طول بالسالفه او بالاصح اليكم المكالمه بالتفصيل ههه
ــــــــــــــــــــــــــــــــ بشرط بدون تقليد ــــــــــــــــــــــ

الشرطه: السلام عليكم...مركز الشرطه معاكم
أنا: الو
الشرطه: الو
انا: السلام عليكم..وعليكم السلام
الشرطه: عفوا
أنا: عفوا من معي؟ آإأقصد هذا رقم الشرطه؟
الشرطه: هيه نعم اختي
أنا: هييه انزين أنا ودي ابلغ عن شي
الشرطه: تفضلي
أنا: أول شي عندكم رقم الهيئه؟
الشرطه: هيه بس مال وين تبي؟
أنا: آه..هيه انت عطني مال صحار
الشرطه: 1318
أنا: اوكي ممكن اشارك اللحين
الشرطه: نعم!!!
أنا: اقصد اقول الشكوى
الشرطه: تفضلي اختي
أنا: أنا لما كنت عند المدرس الخصوصي كنت يالسه اتعلم انزين بعدين يوم كنت طالعه علشان اركب السياره واروح بيتنا كان تدعمني سياره وكان اموت....

توووووووووووووووووت هنيه عاد سكروا بويهي ههه بس اطمنوا ماحترق هع..

اتمنى عاد عدم التقليد لانه خطر خخ وانشاءالله نلتقي بسالفه ثانيه عنوانها(( أنا ومستشفى صحار )) السالفه تراها مره مره حلوه لأني كنت ذكيه بالسالفه وعرفت ارد ع الممرضه برد حكيم<<<الله والرد عاد خخخ

[color=red]يسلمؤؤؤ أآأآختي " أمؤره" [/color]

ويوميااات طبعاً يوميات متخلفه ومب منظمه ومنو هالخبل اللي يبي يمشي على جدوول ضااايع هع هع

تعجبني صرااحتج وثقتج بنفسج انتي وبنت خالتج يووم تبرشموو وتغشوو هههه في الامتحانات هذا أآمر مطبعي لكل الطلااب الفشله .... هع هع !!!

ويسلمؤؤ ع المقلب الجميل اللي ويا الشرطه الممتع (( اتصدقي نااقع ضحك ع خبالج يا امؤره )) ولا تخافي ع التقليد لأن العقل نعمه مب نقمه ولله الحمد

ونتمنى ان استفيد من الجدول وافكارك ((الختيره الختيره)) هع هع

[b]واتمنى منج المزيد أختي امؤره " ويعطيج العافيه "[/b]

هههههههههههههههههههههه

هههههههه بموت من الضحك هههههههههه

هههه تعالوا سكتوني ههههههه واي بطني ههههه
ههههههههه

هههههه هه سكتوني الشيمه هههههههه

ياله ياربي تعبت من الضحك

امير ترا كل يومياتي حقيقيه والله

وترا مب بعيده انتوا تسون العن من هالمقالب

انا بعدني سويت مقلب فأيدي امينه الا وهي الشرطه هع

هههه ههههه

حلووووووات يوميااااتك...هع

كلها مصخره..خخخخخ

يسلموووووووووووووووا خيتو

تسلمييين ميمياااه على طلتج الحلوه

وتابعيني دوم هع

تسلمييين ميمياااه على طلتج الحلوه

وتابعيني دوم هع

مرحبا بأهل البيت،،شحالCOMواخبارcomوعلومcomوشو مسوين بالدنيا عايشين ولا ميتين؟

يلا يلا أنا متحمسه اكتب هالسالفه الا خبرتكم انه عنوانها((أنا ومستشفى صحار)) الله يسلمكم مره من الايام كنت منومه بمستشفى صحار يومين لانه اليوم الثالث ما يحتسب لأني طلعت فيه الى الفضاء الخارجي....

انزين عاد مثل ما تعرفوني أنا بمره امل هاي مشكلتي ومن أول يوم طفشت من المستشفى والعصر على ماظن طلعت من الغرفه الا منومه فيها وسرت صوب الممرضه في الرسبشن

وقلت لها السلام عليكم

الممرضه:وعليكم السلام

أنا: اممم عندكم نت بالمستشفى؟

الممرضه عاد رفعت عينها علي من سمعت شو قلت: هيه بس ليش؟

أنا: ماشي مجرد سؤال بس شي لاب توب هنيه؟

الممرضه: مثل ما تشوفي فكل الممرات لاب توبات

أنا: هيه لأني ابغي اشيك على ايميلي اذا يستوي؟

عاد هنيه الممرضه ماصدقت أنا شو يالسه اقول ووقفت
:أنتي مريضه؟

أنا وبكل ثقه: هيه مريضه ومنومه عندكم يومين

الممرضه: عيل بقولهم يكتبوا لج ترخيص

أنا ومستغربه: ليش؟

الممرضه: لأني ماشوف المرض فيج ولا كأنج مريضه

أنا: وانتي فيج قلب؟

الممرضه بطلت عينها من سؤالي: طبعا

أنا: عيل أنا ماشوفه ما كأنه فيج قلب

عاد هنيه نقعت الممرضه تضحك: اسمنه عليج لسان يعرف يرد

أنا: هيه عيل المرض ينشاف الله يهديج

وعاد تمت تسولف معاي وانتهت السالفه وان شاءالله نلتقي بسالفه ثانيه...

مشكورة امورة ع يومياتك الجميلة خخخخخ

تسلللمين على الطله الحلوه

تسلللمين على الطله الحلوه

مشكؤؤؤؤؤؤرره ويعطيج العافيه (( الامؤره الملسوونه ))

عاد في هاليوميه وهالقصه من وين نزل لج هالكلاام اللي خبلتي بالممرضه ماشاء الله عليج " تف تف تف من عين الحسؤؤد اللي فيها عؤؤد " هع هع

اولا مب ملسونه كثرك

وثانيا الوحي نزل علي وقلت هالرمسه هع هع

وتسللم على المرور اخويه

نورت الحته يا باشا

نزل عليج الوحي لااه

وبعدين أكيد بنور الحته يا باشاه ههههه

هع هع هع هع هع هع

خخخخخخخخخخخخخخخخخخخ

مشكووووووووووووووووووووووووووووووووووووره تضحكـ

ياربي دوم تضحكين يا عربجيه

والعفو عربجيتنا هع

من زماان ما كتبت شي بيوميااتي..
هلااا ..شحالكم؟ الحمدلله بخير
وانا بعد بخير وسهاله..
اليوووم يوووميــــــــــه غييير فيها الكوميديا والاكشن والحمااس وكل شي ما عدا الرومانسيه خخ

طبعا هالحدث صاير بالمدرسه>>>>يعني بنت مدارس شو بيطلع منج اكثر من جيه هه
بس صدقووني انه حمااسنج هالموقف..يلا ولا صووت لاني ببدي احكي هه

طبعا مدرستنا العزيزه قررت تسوي اكبر علم بالسلطنه والمعلماات والبناات هن الا يخيطن هالعلم والصف الا عليه حصة مهارات يروح يخيط العلم ولما كان دوور صفنا رحت انا وحجزت لي مكينة خياطه>>حاجزه للعب ومب للخياطه

انزييين يا اموررين طبعا امورتكم ما تعرف اي شي بالخيااطه جاان زين ادخل خيط بابره..
مسكت هالكائن الا جدامي(المكينه)وشغلتها وانا ماعرف كيف شغلتها

طبعا امورتكم ذكيه رايحه اخر العلم علشان اونه هيه بتخيط من هاك الصووب او بالاحرى بعيد عن عنون الرادارات(المعلمات) ولما اشتغلت ما سمعت غير تصفييق من حد ولما رفعت راسي جفت محمد بن رااشد بكبره يصفق لي ((ابلتناا)) والبنات كلهم يطالعوني ويسألوني كيف؟ كيف؟

وانا الف عليهم واقول شو كييف؟ قالوا لي كيف شغلتيها؟والابله تقول هاذي الا باغيه تشتغل ما انتن حتى المكينه ما تعرف تشغلنها..ونادتني وقالت علميهن كيف يشغلنها وذيج الساعه توهقت انا..بروحي مب عارفه كيف يشغلونها وعاد ما بغيت افشل الابله جدام حشد من البناات ورحت وقلت للابله خلاص استاذه بعلمهم وقال انزين حبيبتي انا عيل بسير شوي عندي شغل
ومن رااح محمد بن رااشد.. البنات كل وحده تناديني تبيني اشغل لها الماكينه .. وقفت بالنص وقلت للبناات تعالوا بشغل هاذي جدامكن
وحليلهن البنات صدقن وتجمعن وقالن يلا شغليها.. قمت انا اشغل كل شي فيها وما اشتغلت .. قالوا ما تعرفيلها؟؟

قلت لااا اعرفلها عيل انا كيف شغلت مالتي بس ترا هاذي خرباانه تعالوا بنجرب على مال فلانه .. والبنت فرحت لاني بشغل مالها وتجمعوا البناات طبعا هالمكيناات غريباات وعجيباات ومعقداات قمت وضغطت على شي وسحبت الخيط مالها وقامت المكيينه تطلع اصوااات والبناات يقولون لي اييه شو سويتي وانا يالسه انظف كندورتي واقول لهم يلا نفذوا ..جيه يشغلوونهن وقامن البنات سون نفسي والقااعه قااامت اطلع اصواات مزعجه والممر كله انزعج من هالاصواات ونحن مصدقاات عمارنا انه نخييط واخترب القمااش والمكينه اختربت وياات الابله تركض وتقوول شو سويتن يالحمقاوات ويوم جاافت المنظر وخااصه القمااش والمكااين كلها ترقص اي تتحرك بحركه اهتزازيه من الصووت ..جان تنصدم الابله وطبعا الوحيده مكينتي الا مشتغله صح ههه وتنازعت لين هذا وبس ونادوا الاداره حقنا وقالوا شو مسويااات ؟انتن تعرفن هذا كم قيمته؟؟ احين بتغرمن كل شي.. وعنون البناات كلها على امورتكم البريئه والشرار يطاير من عنونهن والضحكاات الخبيثه من ربيعااتي والا تقوول هالضحكه عيش طبختييه كلييه يعني قصدهن انه ولا وحده بتدفع قرش احمر واني انا الا بدفع عنهن وهذا شي مستحيييل ههه
المووهيييم انا ما اعترفت والا قهر البناات زيااده انه الابله قالت (...) بريئه لانها مشغله مالها صح وهيه علمتهن لكن هن غبيات ما يفهمن وشلوني عنهن عشان ما اكوون معااهن هههههههه

ولما شلوني عنهن مااتن قهر هههه ولما رجعن الصف حصلووني مخليه رااسي واسمع الmb3
قالن هيييه شو علييج مرتااحه ولاا بعد مكيفه يالسه تتسمع ولا على الباال ترا ما هيه الا بتدفع وماهيه الاوقعوهاا على تعهد ..عااد هنيه فطست من الضحك وبنفس الوقت صدمه .. قلت لهن تعهد!! ليش شو سويتن؟

قالن ما مسوياات شي بس من كثر حبنا لج نتعاقب من ورى شطاانتج خخخ
ههههههههههههههههههههههههههههههههههههههههه
طبعا هاذي ثاني مره بناات صفنا يوقعن تعهد وبسبتي بعد بس المره الاولى كاان حمااس لاني شليت هالتعهد عني وعن بنات الصف واظنوا تعرفوا السالفه الا كتبتها بموااقف محرجه اذا تذكروا...

وسلاااااااااااااام

هههههههههههههههههههههههههههههههههههههه
هههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
ههههههههههههههههههههههههه

الله يعطيج العافيه يا اموره شو هاليوميه
هههههههههههههههه

انتي نبر 1 بالحمااسنج بصراحه انا ابغي اتعلم منج كم شغله واريدج تشتركيين بمكاان 2 لانج تفعيين له واظن انج تنتمي له ههههههه

نااايس نزلي يوميه ثاانيه وبكون اول واحد ومتاابع لج

انتظر بفارغ الصبر اليوميه الثاانيه

لا ماريد اشترك بمكان انت فيه هع هع

وآريجااتوو على تفاعلك بيومياتي خيوو..

بصراحه انت الا تحمسني اكتب كم يوميه

سو شكرياا شكرااان

عفويا عفويا ويلا اريد اضحك اكثر سو نزلي يوميه غير

اموووووووووره بسج من الغيبه..

المنتدى مظلم هع اووبس لا تكونيين يوعانه ويالسه تاكلين الكتب

الله يوفقج ياربي وادشين المنتدى وتحطيبن اخبارج كلها هني..

اتريااج بفاااارغ الصبر