هذه قصيده مؤثره لأم تشكى حالها بعد أن اصطحبها ولدها للمصحة

هذه قصيده مؤثره لأم تشكى حالها بعد أن اصطحبها ولدها للمصحة

( دار العجزة ) أو كما يقال (دار النسيان )

ويـن أنـت يا حمـدان أمــك تـنـاديــك وراك مــا تـسـمــع شـكايـا ونـدايــــا

يا مسنـدي قلبي على الـدوم يـطريـك ما غبت عن عـيني وطيفك وسمـايــا

هـذي ثـلاث سنـيـن والعـيـن تبـكـيك ما شــفـت زولــك زايـــر ضـــنـايــا

تـذكـر حـياتي يوم أشيلـك و أداريـك وألاعــبــك دايـــم وتـمـشـي ورايــا

ترقـد على صوتي وحـضني يـدفـيك ما غـيـرك احد سـاكـن في حشـايــا

واليا مرضت اسهر بقربك و أداريك ماذوق طـعـم الـنـوم صبح ومسايـا

يا مـن عطـيـتك من حـناني وبعطـيك تـكـبـر وتـكـبـر بـاـلأمـل يا مـنـايـا

لـكـن خـسـارة بعـتـني الـيوم وشفـيك وأخـلصت للـزوجـة أنـا لي شقايـا

أدري إنــها قـــاسـيـه مـــا تـخـلـيــك قـالـت عـجـوز ما أبــيـها معـايــا

خـلـتـني وسط المصحة وأنا أرجـيك هـذا جـزا المعـروف وهذا جزايا

يـالـيـتـنــي خـــدامـه بـيـن أيـــاديــك من شان أشوفك كل يوم برضايـا

مشكور يا ولـدي وتـشكر مساعـيــك وادعــي لـك الله دايـم بــالـهدايـــا

حـمـدان يا حـمـدان أمـك تـوصـيتـك أخاف ما تـلـحق تـشوف الوصايــا

أوصيت دكـتور المصحة بـيـعطـيـك رسـالـتي وأحـرفـهــا مــن بــكـايــا

وان مـت لا تـبخـل علي بدعـاويــك واطـلـب لـي الـغـفـران وهذا رجايا

وأمـطر تراب الـقـبر بدموع عـيـنـك ماعـاد يـنـفـعـك الــنـدم والــنـعـايــا.

ههه رؤؤؤؤؤؤؤؤؤعه مع انها جديمه

اتمنى منك المزيد
.
.
.
.
.
تحياتي لك

ادري ادري انها جدييمه هع

وتسللم ع المرور خيوو